Séasúr an Fhómhair 2021 - Clár agus Postaer

Séasúr nua Scannán Domhanda

Is cúis áthais do Chlub Scannán Sailearna séasúr nua scannán domhanda a fhógairt.

Tosófar leis an scannán iontach Limbo ag 8.15i.n. ar an Déardaoin, 28 Deireadh Fómhair.

Bí linn le sult a bhaint as scoth na scannán ó chuile chearn den domhan sa mbunleagan le fotheidil i mBéarla chuile Dhéardaoin i gcaitheamh an tséasúir. Is ionad iontach é Seanscoil Sailearna le scáileán mór, suíocháin srathacha agus córas fuaime d’ardchaighdeán.

Is féidir ballraíocht séasúir fháil ar tháille €35, a thugann cead isteach do na scannáin go léir ar an gclár, nó is féidir táille €8 in aghaidh an scannáin a íoc más fearr leat. Is féidir ticéid a cheannach anseo: https://buytickets.at/clubscannan/593726

Eagraíonn Club Scannán Sailearna na séasúir scannán i gcomhar le Access Cinema agus le tacaíocht ó Chomhairle Chontae na Gaillimhe.

Tá scannáin an tséasúir seo agus na dátaí ar a dtaispeánfar iad anseo thíos:

• 28 Deireadh Fómhair: Limbo
• 04 Samhain: The Mystery of Henri Pick
  Á láithriú le tacaíocht Ambasáid na Fraince in Éirinn agus an Institut Français.
  
• 11 Samhain: Minari
• 18 Samhain: Arracht
• 25 Samhain: The County
• 02 Nollaig: It Must Be Heaven
• 09 Nollaig: New York: Our Time