Scéal an dornálaí as Conamara, Seán Ó Mainnín, atá sa scannán faisnéise seo. D’fhág an Mainníneach Ros Muc sna seachtóidí agus thug a aghaidh ar Bhostún, áit ar casadh comrádaithe James ‘Whitey’ Bulgar air agus mórán eile nach iad. Dhírigh Ó Mainnín ar an dornálaíocht agus i 1984 throid sé do Chraobh Mheánmheáchain WBA an Domhain in Madison Square Garden. Scrúdaíonn Rocky Ros Muc an spiorad a bhain le bheith ag troid sa gcró agus na fadhbanna a bhí ag an Mainníneach lasmuigh de chomh maith. Pléann sé le cúrsaí imirce agus an tionchar a bhíonn ag an imirce ar fhéiniúlacht an duine agus an phobail.

Beidh léiritheoirí Máire Bhreathnach agus Rónán Mac Con Iomaire ag an taispeántas seo.