(Amour)

Is scannán den scoth é seo ar a bronnadh an príomhghradam ag Féile Cannes anuraidh. Is beirt cheoltóirí clasaiceacha iad George agus Anne, atá amach sna blianta. Filleann siad abhaile tráthnóna amháin agus feiceann siad gur briseadh isteach ina n-árasán nuair a bhíodar ag ceolchoirm. Briseann an eachtra seo spiorad Ann agus téann sí i léig go sciobtha ach ní théann an grá atá ag an mbeirt dá chéile i léig. Scannán é seo, déanta ag scannánóir den chéad scoth, a théann i bhfeidhm ar an lucht féachana ar bhealach speisialta.