Scéal é seo faoi chúigear deirfiúracha, ar dílleachtaí iad, i mbaile beag iargúlta sa Tuirc. Tús an tsamhraidh atá ann agus tá na cailíní ag súil lena saoire. Ach tá siad ag teacht in inmhe agus ní thaitníonn a n-iompar lena gcuid gaolta coimeádacha. Déanann na gaolta iarracht iad a bhriseadh agus róil thraidisiúnta na mban a bhrú orthu. Séantar a saoirse orthu agus déanann an tseanmháthair iarracht cleamhnas a dhéanamh dóibh in aghaidh a dtola.

Bhuaigh an scannán seo gradam an Europa Cinema in 2015.
An Scannán is Fearr, Féile Idirnáisiúnta Scannán Audi, Baile Átha Cliath 2016.