(Áille an Uafáis)

Is cuntas dorcha é seo nach bhfuil ar aon dul leis na laochscéalta a tháinig chun cinn i ndiaidh Éirí Amach 1916. Cuireann triúr - Saighdiúir Sasanach, Óglach Éireannach agus Sibhialtach - a bhí i láthair le linn na heachtra, a leaganacha féin den scéal inár láthair agus tugtar léargas eile dúinn ar an méid a tharla i 1916.

Lárnach sa scéal tá an cath fuilteach a tharla ag Droichead Mount Street, ar an 26 Aibreán 1916, nuair a d'ionsaigh 17 dena hóglaigh thart ar 1,000 saighdiúr agus iad ag máirseáil ón mbád isteach go lár na cathrach.