Tá sé socraithe an scannán a bhí le bheith sa Seanscoil anocht, 9 Nollaig, a chur siar seachtaine. In áit é a thaispeáint anocht beidh A Prophet á thaispeáint ar an scáileán mór sa Seanscoil ar an Déardaoin seo chugainn, 16 Nollaig ag 8.15.
(Un prophète)
Gearrtar tréimhse phríosúin sé bliana ar fhear óg atá naoi mbliana déag d’aois, Malik El Djebena, de bharr go ndearna sé ionsaí ar phoilíní. Agus é gan chara gan airgead, níl cosaint dá laghad ag Malik sa choiriúlacht agus san fhoréigean a bhíonn ar bun idir buíonta Corsacha agus buíonta Muslamacha. Tugann César Luciani air Muslamach, Reyeb, a mharú agus ansin tugann sé cosaint agus tacaíocht dó. Is mó ceacht atá le foghlaim ag Malik sa tréimhse a chaitheann sé sa phríosún.
Buaiteoir – Duais an Mhórghiúiré, Féile Scannán Cannes 2009
Buaiteoir – An Scannán is Fearr - Féile Scannán Londain 2009