Scoth na Scannán Domhanda gach Déardaoin in Indreabhán
Cuirfear tús le séasúr nua scannán i Seanscoil Sailearna, Indreabhán ar an Déardaoin, an 24 Meán Fómhair le scannán íontach ón Spáin Marshland. Gach Déardaoin idir seo agus an Nollaig beidh 11 scannán ar fad againn, ó thíortha éagsúla agus i dteangacha éagsúla idir, le fotheidil i mBéarla.
Tá an séasúr scannán eagraithe ag Club Scannán Sailearna i gcomhar le Access Cinema agus le cúnamh i mbliana ó Chomhairle Chontae na Gaillimhe don chéad uair.
Is féidir le daoine ballraíocht sa chlub scannán a thógáil amach don séasúr ar € 30 (€ 25), a thugann cead isteach do na scannáin go léir ar an gclár, nó is féidir € 8 (€ 7) in aghaidh scannán a íoc ag an doras ar an oíche, más fearr leat.
Anseo thíos tá liosta na scannán a thaispeánfar le linn an tséasúir nua:
- 24 Meán Fómhair: Marshland (An Spáinn 2014)
- 01 Deireadh Fómhair: Girlhood (An Fhrainc 2014)
- 08 Deireadh Fómhair: I mBéal na Stoirme (Éire 2015)
- 15 Deireadh Fómhair: Leviathan (An Rúis 2014)
- 22 Deireadh Fómhair: Difret (An Aetóip 2014)
- 29 Deireadh Fómhair: Wild Tales (An Airgintín 2014)
- 05 Samhain: Timbuktu (An Fhrainc / An Mháratáin 2014) Leis an ngearrscannán Maidhm roimhré (Éire 2015)
- 12 Samhain: Manuscripts Don't Burn (Iaráin 2013)
- 19 Samhain: Black Coal, Thin Ice (An tSín 2014)
- 26 Samhain: The Forgotten Kingdom (Leosóta 2013)
- 03 Nollaig: Force Majeure (An tSualainn 2014)
Beidh breis eolais faoina scannáin, maraon le blaiseadh beag dóibh le fáil ón suíomh idirlíon clubscannan.ie nó is féidir eolas a fháil faoin gClub Scannán ach glaoch ar Dan (087) 8168629 nó Donncha (086) 4048881.
Club Scannan Séasúr An Fhómhair 2015 Postaer ardtaifigh8.8 MB