Cur síos ar an gcaoi a dtéann na daoine i dtuaisceart an Trasalváin i ngleic leis an athrú saoil atá sa scannán seo. Ó chuaigh an Rómáin isteach san Aontas Eorpach, is féidir leis na fir an méid a shaothraíonn siad in aon bhliain amháin mar aoirí a thuilleamh in aon mhí amháin sa nGearmáin. Aoire óg atá fós sna déaga atá faoi chaibidil sa scannán faisnéise seo agus feicimid mar a chaitheann sé an bhliain oibre ag aoireacht, ag sábháil an fhéir, ag déanamh cáise agus ag tumadh caorach. Tá mion-chur síos ann ar ghnátheachtraí a shaoil: ag ceannach cairr, ag díol na n-uan, an turas go dtí an Ghearmáin, na hoícheanta dorcha thuas ar an sliabh agus mar sin de.

I láthair beidh an stiúrthóir an scannáin, Dieter Auner, a bhfuil cónaí air i Maigh Cuilinn, agus é réidh le ceisteanna a fhreagairt tar éis an taispeántais.