(Kalo Pothi)

Tá an scannán seo lonnaithe i Neipeal sa mbliain 2001, tráth a raibh deireadh ag teacht leis an gcogadh cathartha agus an dá thaobh, an eite chlé agus an eite dheis, sásta cainteanna síochána a ghairm. Ach tá teannas fós le brath amuigh faoin tuath agus an baol i gcónaí ann go mbrisfeadh an cogadh amach arís. Tá saighdiúirí ar patról agus iad ag bagairt ar na daoine agus tá na treallchogaithe fós ag iarraidh dul i gcion ar an bpobal bocht nach bhfuil léamh ná scríobh acu. Ní cúrsaí cogaíochta atá ag cur as don dá phríomhcharachtar sa scannán seo ach cearc dhubh a théann ar iarraidh, cearc dhubh, atá ina foinse ioncaim don bheirt acu.

Bhuaigh an scannán seo an gradam Fedeora don scannán is fearr ag Seachtain Idirnáisiúnta na Léirmheastóirí Scannán sa Veinéis in 2016.