An Tine Bheo

Tabharfaidh Ciarán Lenoach léargas dúinn ar théamaí na scannán seo.

Rinne Louis Marcus an scannán comórtha seo, a bhfuil scór ceoil ann a chum Seán Ó Riada, ar iarratas ó Choiste Iubhaile 1916. Eisíodh é i 1966 agus bhí sé le feiceáil i bpictiúrlanna ar fud na hÉireann.

Concerning Violence

Léargas úr agus láidir ar scéal na saoirse san Afraic atá sa scannán Concerning Violence. Tá ábhar cartlainne nua-aimsithe sa saothar seo a thugann tuiscint dúinn ar streachailt na ndaoine in aghaidh an choilíneachais sna 60í agus 70í. Tá ábhar faisnéise ann a léiríonn cuid de na heachtraí ba shuntasaí a tharla le linn na gcoimhlintí sa tríú domhan. Scrúdaíonn sé freisin na teoiricí faoin gcoilíneachas atá i leabhar cáiliúil Frantz Fanon, The Wretched of the Earth. Cé gur scríobhadh os cionn 50 bliain ó shin é, tá an léargas atá sa leabhar seo ar an nuachoilíneachas agus ar an bhforéigean a bhaineann leis chomh hábhartha céanna sna saolta seo is a bhí sé leathchéad bliain ó shin.