Tabharfaidh Séamus Ó Maitiú léargas dúinn ar ábhar an scannáin seo.

Is é seo an dara scannán stairiúil a rinne Gael Linn faoin gcaoi ar baineadh féinrialtas amach in Éirinn. Bunú Dháil Éireann i 1919 is tús don saothar agus tá léiriú nuachtscannán ann de na himeachtaí a tharla go gairid ina dhiaidh: an choimhlint fhuilteach agus na hagóidí poiblí a bhí forleathan le linn Chogadh na Saoirse, an sos cogaidh, síniú an Chonartha i 1921 agus bunú Shaorstát Éireann. Tá roinnt míreanna ann a thaispeánann Éamon de Valera agus Micheál Ó Coileáin agus iad i mbun stocaireachta. Cuireann laethanta tosaigh an Chogaidh Chathartha ar láthair na gCeithre Chúirt i mBaile Átha Cliath clabhsúr tragóideach le Saoirse?